ပတ်ဝန်းကျင်မှာ တွေ့ရလေ့ရှိတဲ့ အဆိပ်ရှိအပင်များ

အပင်တွေဟာ လူတွေကိုအကျိုးပြုကြတာ အားလုံးအသိပါပဲ။ ဒါပေမဲ့ အပင်တချို့ဟာ အဆိပ်တွေ ရှိနေပြီး အချိန်ကာလကိုလိုက်ပြီး အန္တရာယ်ရှိနိုင်သလို တိုက်ရိုက်မဟုတ်ပေမဲ့ သွယ်ဝိုက်ပြီးလည်း အန္တရာယ်ရှိနိုင်ပါတယ်။ အရှေ့တောင်အာရှမှာရော မြန်မာနိုင်ငံမှာပါ ပေါများစွာတွေ့နိုင်တဲ့ အဆိပ်ရှိအပင် (၅) မျိုးကို ဗဟုသုတအဖြစ် ရေးသားတင်ပြ လိုက်ပါ တယ်။

ဇာမဏီပင်

ဇာမဏီပင်ဟာ မြောက်အမေရိကမှာ စတင်ပေါက်ရောက်ခဲ့တဲ့ အပင်မျိုးဖြစ်ပြီး အဆိပ်အရမ်းပြင်းတဲ့ အပင်တစ်မျိုးဖြစ်ပါတယ်။ စားမိရင် အော့အန်ခြင်း၊ တကိုယ်လုံးတုန်ခါခြင်း၊ အစာအိမ်နဲ့အူလမ်းကြောင်းပြင်းထန်စွာထိခိုက်ခြင်းတို့ ဖြစ်နိုင်ပါတယ်။ အရှေ့တောင်အာရှနိုင်ငံတွေမှာလည်း ပေါက်ရောက်ပြီး မြန်မာနိုင်ငံ က ကျေးလက်တွေမှာ ပွန်းပဲ့ပြီးသွေး ထွက်ရင် ဇာမဏီရွက်ထုပြီးအုံတတ်ကြပါတယ်။ ဆောင်းရာသီမှာ အပွင့်ပွင့်လေ့ရှိပြီး အပွင့်ရာသီကုန်တဲ့အခါ မှုန်မွှားတဲ့အစေ့လေးတွေဟာ လေထဲမှာ ၀ဲပျံသွား ကြပါတယ်။ ကျွဲနွားတွေဟာ အဲဒီအပင်ကိုစားမိတဲ့အခါ အဆိပ်တွေဟာ နို့နဲ့အသားထဲကို ရောက်ရှိသွားတတ်ပါတယ်။ ဒါကြောင့် အမဲသားနဲ့နွားနို့ကို စားသောက်သူတွေ ဆီ အဆိပ်တွေ ကူးစက်သွားနိုင်ပါတယ်။ ၁၉ ရာစုအစကာလတစ်ခုမှာ နို့အဆိပ်သင့်ခြင်းကြောင့် လူတွေထောင်နဲ့ချီသေဆုံးခဲ့ကြပြီး အေဗရာဟင် လင်ကွန်းရဲ့မိခင် နန်စီဟန့်ခ်လည်း ပါဝင်ခဲ့ ပါတယ်။

ဒေါနပန်းပင်

ဒေါနပန်းပင်မျိုးစိတ်တစ်ခုဖြစ်တဲ့ ဒီခရမ်းရောင်ပန်းပင်လေးဟာ အဆိပ်အရမ်းပြင်းတဲ့အတွက် ရှေးခေတ်က အဆိပ်လူးမြှားထိပ်မှာ သုတ်လိမ်းပြီး စစ်ပွဲတွေ အမဲလိုက်ရာတွေမှာ သုံးခဲ့ကြပါတယ်။ ဒီအပင်ကို စားမိရင် (သို့) ခန္ဓာကိုယ်ထဲဝင်သွားရင် ခြေလက်တွေမလှုပ်နိုင်တော့ပဲ အူလမ်းကြောင်းတွေပါ ထိခိုက်စေတဲ့အပြင် နှလုံးနဲ့အဆုတ်ထဲမှ အကြောတွေပါ သေသွားစေပါတယ်။ ထိခိုက်ပွန်းပဲ့ရာရှိနေသူဟာ ဒီအပင်ရဲ့အရည်နဲ့ မထိမိစေသင့်ပါဘူး။ ဒီအပင်ဟာ အနံ့လည်းဆိုးပြီး အရသာလည်းခါးတဲ့အတွက် စားမိပီးအဆိပ်သင့်တဲ့ ဖြစ်ရပ်မျိုးရှားပါးပါတယ်။

ခေါင်းလောင်းပန်းပင်

ပန်းတွေတစ်ပင်လုံးဝေနေအောင် ပွင့်တတ်တဲ့အပင်ဖြစ်ပြီး မြောက်အမေရိကမှာ စတင်ပေါက်ရောက်ခဲ့ကာ တကမ္ဘာလုံးအနှံ့တွေ့ရှိရပါတယ်။ ခေါင်းလောင်းပုံပန်းတွေ တွဲလွဲ ခိုပြီးဝေနေအောင် ပွင့်တာကြောင့် ခေါင်းလောင်းပန်းပင်လို့ ခေါ်ကြပြီး ပန်းပွင့်အရောင်မှာလည်း အဖြူရောင်၊ အ၀ါရောင်၊ လိမ္မော်ရောင်နဲ့ ပန်းရောင် ဆိုပြီး ကွဲပြားပါတယ်။ အပင်တစ်ခုလုံးမှာ အဆိပ်တွေပါဝင်နေပေမဲ့ မူးယစ်ဆေးတစ်မျိုးလို မူးယစ်စေတာကြောင့် တချို့က ရေနွေးထဲ ထည့်ခတ်ပြီး သောက်တတ်ကြပါတယ်။ အပင်မျိုးစိပ်တစ်ခုနဲ့ တစ်ခု အဆိပ်ပါဝင်မှုမတူညီကြလို့ သုံးစွဲမိတဲ့အဆိပ်ပမာဏကို မှန်းဆရခက်တာကြောင့် သုံးစွဲသူအများစု က လက်လွန်ပြီးသေဆုံးကြရတာများပါတယ်။

မဲနယ်သီးပင်

မဲနယ်ရောင်အရည်ရွှမ်းတဲ့ အသီးသေးသေးလေးတွေ သီးတဲ့အပင်ဖြစ်လို့ မဲနယ်သီးပင်အမည်တွင်တဲ့ ဒီအပင်ဟာ ကမ္ဘာ့အဆိပ်အပြင်းဆုံး အပင်တစ်မျိုးဖြစ်ပါတယ်။ ကျေးလက်ဒေသတွေမှာ ကလေးတွေ ခူးယူကစားတတ်တဲ့ အသီးမျိုးဖြစ်ပါတယ်။ ဒီအသီးကိုစားမိရင် စိတ်ဖောက်ပြန်ခြင်း၊ စိတ်ကယောင်ကတမ်းဖြစ်ခြင်း၊ အသံဝင်ခြင်း၊ ခေါင်း ကိုက်ခြင်း၊ အလွန်အမင်းရေငတ်ခြင်း၊ အသက်ရှူကြပ်ခြင်းနဲ့ ၀က်ရူးပြန်အကြောဆွဲခြင်းတို့ ဖြစ်တတ်ပါတယ်။ အပင်တစ်ပင်လုံး အဆိပ်တွေပြည့်နေပြီး အသီးလေးတွေဟာ အရောင်လည်းလှ အရသာလည်းချိုလို့ ကလေးတွေစားမိတတ်ကြပါတယ်။ မဲနယ်သီး ၁၀ -၂၀ လုံးထိ စားမိရင် လူကြီးတစ်ယောက်ကိုပင် သေစေနိုင်ပါတယ်။ အရွက်ဟာ ပိုအဆိပ်ပြင်းပြီး လူကြီးတစ်ယောက်ဟာ အရွက်တစ်ရွက်တည်း စားမိရုံနဲ့ သေသွားနိုင်ပါတယ်။

ဂမုန်းကြီးပင်

အိမ်တွင်းအလှဆင်အပင်တစ်မျိုးဖြစ်တဲ့ ဂမုန်းကြီးပင်ဟာ အဆိပ်ရှိအပင်တစ်မျိုးဖြစ်ပြီး အရွက်ကိုစားမိရင် ပါးစပ်ရောင်ရမ်းပြီး ယားယံနာကျင်စေပါတယ်။ ရောင်ရမ်းမှုပြင်းထန်တဲ့အခါ အသက်ရှူလမ်းကြောင်း ပိတ်ဆို့တဲ့အထိ အခြေအနေဆိုးတတ်ပါတယ်။ အိမ်တွင်းသစ်ပင်မျိုးဖြစ်လို့ ကလေးရှိတဲ့အိမ်တွေအနေနဲ့ အထူးသတိထားသင့်ပါတယ်။

Credit; Yangon life