သင်ဟာစိတ်ပိုင်းဆိုင်ရာ lအဓမ္မပြုကျင့်ခံနေရပြီလား

စိတ်ပိုင်းဆိုင်ရာ အဓမ္မပြုကျင့်ခံရခြင်းဆိုတာ လူသားတွေ တော်ရုံတန်ရုံ သတိပြုမိလေ့မရှိတဲ့ အန္တရာယ်တစ်ခုပါ။ ဒီလိုစိတ်အဓမ္မပြုကျင့်မှုတွေကြောင့် Depression တွေဝင်ပြီး မိမိကိုယ်ကိုယ် သတ်သေမှုတွေ၊ လောကကြီးကိုစိတ်ကုန်ပြီး အရှုံးပေးသွားတာမျိုးတွေ ဖြစ်နိုင်ပါတယ်။ ဒီတော့ ဘယ်လိုအရာမျိုးကို စိတ်ပိုင်းဆိုင်ရာ အဓမ္မပြုကျင့်မှုလို့ သတ်မှတ်မလဲ? သင်ကိုယ်တိုင်ကရော သူများကို စိတ်မုဒိန်းကျင့်သူတစ်ဦး ဖြစ်နေပြီလား? ဒါမှမဟုတ် သင်ဟာ စိတ်မုဒိန်းအကျင့်ခံရသူတစ်ဦးလား?

၁ - လူကြားသူကြားထဲ အနှိမ်ခံ အပြစ်တင်ခံရခြင်း။

ဟုတ်ပါတယ်... ဒီအချက်ကို သင်လည်း မုန်းမယ်ဆိုတာ သေချာပါတယ်။ ဘယ်သူမှ ကိုယ့်အပြစ်တွေကို လူကြားထဲ ထုတ်ဖော်ပြသခံရတာ၊ အပြစ်တင်ခံရတာ မကြိုက်ပါဘူး။ ဒါပေမယ့် မြန်မာ့လူမှုအသိုက်အ၀န်းမှာတော့ ဒီဟာကို နောင်ကျဉ်အောင်ဆုံးမခြင်းဆိုတဲ့ အကြောင်းပြချက်နဲ့ တွင်တွင်အသုံးချလေ့ရှိပါတယ်။ ဥပမာငယ်ငယ်က မှားနေတဲ့ ကိုယ့်ရဲ့စာစီစာကုံးကို အခန်းဖော်သူငယ်ချင်းတွေရှေ့ အကျယ်ကြီးဖတ်ပြတာမျိုး၊ အပြစ်လုပ်မိလို့ အတန်းရှေ့ထွက် လက်မြှောက်ရတာမျိုးဟာ စိတ်အဓမ္မကျင့်ခံရခြင်း တစ်မျိုးပါပဲ။ လူကြီးဖြစ်လာတော့လည်း ဒီလိုပါပဲ။ မိဘက အမျိုးတွေရှေ့မှာ ကိုယ့်သားသမီး အသုံးမကျကြောင်း ဂုဏ်ယူဝင့်ကြွားစွာ ပြောနေတတ်တာမျိုး၊ ချစ်သူက ငါ့ရည်းစားက ငါ့လောက်ဘာမှသိတာမဟုတ်ဘူး၊ ငါပဲအကုန်လုပ်ပေးနေရတာ စသဖြင့် ပြုမှုခံရတာမျိုးတွေပေါ့။

၂ - အသိအမှတ်မပြုဖယ်ထုတ်ခံထားရခြင်း။

ငယ်ငယ်က ထုတ်စီးတိုးတဲ့အခါ၊ ကစားတဲ့အခါ သူငယ်ချင်းတွေက ကိုယ့်ကို လူရာမသွင်းပဲ ထမင်းဂျိုးဟင်းဂျိုးအနေနဲ့ ထားတာမျိုးတွေ။ အပေါင်းအသင်းတွေနဲ့ ကလပ်တွေ၊ ဘားတွေသွားတဲ့အခါ ကိုယ်ကပေါင်းသင်းဆက်ဆံရေး မကောင်းလို့ ဒါမှမဟုတ် ဆင်းရဲလို့ ဖယ်ထုတ်ခံထားရတာမျိုးတွေ၊ ကျောင်းတွေမှာ အဖွဲ့လိုက်ပရောဂျက်တွေလုပ်တဲ့အခါ ကိုယ့်ဆီက အကြံဉာဏ်တွေ လက်မခံတာမျိုးတွေက ကိုယ့်ကိုလူတွေနဲ့ ဝေးကွာသွားစေပြီး အထီးကျန်မှုဝေဒနာကို ခံစားစေရနိုင်တာပါ။ ဒီအချက်ဟာ တစ်ခါတစ်ရံမှာ သင်ကိုယ်တိုင်က လုပ်ဆောင်သူဖြစ်နေတတ်သလို၊ တစ်ခါတစ်လေတော့ သင်ဟာခံရသူဖြစ်တတ်ပါတယ်။

၃ - အသွင်အပြင်အပေါ်ခွဲခြားဆက်ဆံခံရခြင်း။

အရပ်ပုတဲ့သူကျတော့ ဂျပု၊ အသားမဲတဲ့သူကြတော့ ကုလား၊ ပိန်တဲ့သူကျ ငဖောင်ရိုး၊ ၀တဲ့သူကြ ၀က်မ စတဲ့ စကားလုံးတွေဟာ နေ့စဉ်လူနေမှုဘ၀ထဲမှာ မစိမ်းလှတဲ့ စကားလုံးတွေ ဖြစ်ကြပြီး ဒါကိုပဲ ဘာမှမဟုတ်သလို ပြောဆိုသုံးနှုန်းတတ်ကြပါတယ်။ ဒါပေမယ့် အဲ့ဒီအရာတွေဟာလည်း တစ်ဖက်လူအပေါ် စိတ်အဓမ္မကျင့်မှုတွေပါပဲ။ လူတွေဟာ မိမိတို့ရဲ့ဘုရားပေးသေး ကိုယ်ခန္ဓာသွင်ပြင်တွေအပေါ် ဝေဖန်တာကို ရန်ပြုမတုံ့ပြန်ရင်တောင် စိတ်ထဲမှာတော့ မနှစ်သက်ကြပါဘူး။ ဒီလိုပြောခံရပါ များလာတဲ့အခါ စိတ်ပိုင်းဆိုင်ရာ သိမ်ငယ်မှုတွေ ၀င်လာတတ်ပြီး ကြီးကြီးမားမား အပြောခံရရင်တော့ မွေးဖွားတဲ့ အမေနဲ့ လောကကြီးကို အပြစ်တင်တော့မယ့် စိတ်ဒဏ်ရာပါ ဖြစ်သွားနိုင်ပါသေးတယ်။

၎ - အမြဲလိုလိုအပြစ်တင်ခံရခြင်း။

ကိုယ်ကတော့ ကောင်းလေမလားဆိုပြီး ကြိုးစားပြီးလုပ်ပါရဲ့ ဒါပေမယ့် ကိုယ့်ရဲ့ကြိုးစားမှုကို အသိအမှတ်ပြုမခံရပဲ အမြဲတမ်း တစ်ခုခု အပြစ်တွေချည်းပဲ တင်ခံနေရမယ်ဆိုရင် နောက်ထပ်ကြိုးစားလိုစိတ်၊ အားထုတ်လိုစိတ်တွေ ကုန်ခမ်းသွားတတ်ကြပြန်ပါတယ်။ ဒီလိုအခြေအနေမျိုးက မိဘနဲ့ သားသမီးကြား၊ ဆရာနဲ့ တပည့်တွေကြား၊ အထက်လူကြီးနဲ့ လက်အောက်ဝန်ထမ်းအကြား အမြဲလိုလိုကြုံတွေ့ရလေ့ရှိတဲ့ အဖြစ်အပျက်တစ်ခုပါ။ ဒီအချက်ကတော့ နှစ်ဦးနှစ်ဖက်ကြားမှာ အပြန်အလှန်နားလည်ပေးသင့်တဲ့ အချင်းအရာဖြစ်ပြီး မိမိကိုယ်တိုင်ကလည်း တစ်ဖက်လူအပေါ် ဒီလိုမလုပ်မိဖို့ အရေးကြီးပါတယ်။

ဒီအပြုအမူမျိုးတွေကို သင်ရောလုပ်မိနေပြီလား?

#Achitlwinpyin

Credit:momolay