တစ်ကိုယ်တည်းလူပျိုကြီးအဖြစ်နဲ့ ဘ၀ဆုံးသွားနိုင်သည့် လက္ခဏာများ

ဘယ်သူမဆို သေရင်တော့ တစ်ယောက်တည်းပဲသေကြရမှာဖြစ်ပါတယ်။ အလွန်တရာကြီးမြတ်တဲ့ ပုဂ္ဂိုဟ်ကြီးပဲ ဖြစ်ဖြစ်၊ သာမာန်လူသားတစ်ယောက်ပဲဖြစ်ဖြစ် သေဆုံးချိန်မှာ အဖော်အဖြစ်နဲ့ လိုက်သေပေးချင်တဲ့သူ ရှိမှာ မဟုတ်ပါဘူး။ ဒါဟာ အမှန်တရားပါ။ ဒါပေမယ့်လည်း သင်မသေခင်အချိန်မှာတော့ တစ်ယောက်နဲ့ အတူရှိနေချင်ဦးမှာပါ။ သင့်အနေနဲ့ တကိုယ်တည်းဘ၀နဲ့ အထီးကျန်စွာအဆုံးသတ်ရတော့မယ်လို့ ခံစားနေရရင် ပြောင်းလဲဖို့အတွက် အချိန်မှီပါသေးတယ်။ အခုဖော်ပြပေးလိုက်တဲ့ အချက်တွေကို ပြုပြင်ပြောင်းလဲပြီး မိသားစုနဲ့ အတူ ပျော်ရွှင်စွာနေနိုင်ပါသေးတယ်။

၁။ ပေါင်းသင်းဆက်ဆံရေးညံ့ခြင်း

သင့်ဟာပေါင်းသင်းဆက်ဆံရေးညံ့ဖျင်းသူတစ်ဦးဖြစ်နေရင်တော့ သင်နဲ့အတူ တစ်ဘ၀လုံးကုန်ဆုံးမယ့်သူကို ရှာတွေ့ဖို့က ကံကောင်းမှပဲဖြစ်နိုင်ပါလိမ့်မယ်။

၂။ ချစ်ရေးဆိုဖို့ နှောင့်နှေးနေခြင်း

မိန်းကလေးတစ်ယောက်ယောက်ကို ချစ်ရေးဆိုဖို့ကို အချိန်ကောင်းစောင့်ပြီး နှောင့်နှေး ကြန့်ကြာ နေတတ်ပါသလား။ ဒီအကျင့်ကိုဖျောက်ပြီး သူမကို ပြောဖြစ်အောင်ပြောပါ။ သူမက ငြင်းချင်ရင် ငြင်းပါလိမ့်မယ်။ ဒီလိုဆိုရင် နာကျင်ရတာမှန်ပေမယ့် နောက်တစ်ယောက်ကို ကြိုးစားဖို့ အခွင့်အရေးရှိပါသေးတယ်။ အငြင်းခံလိုက်ရတဲ့ ကိစ္စတွေက ပထမတော့ရှက်စရာကောင်းပေမယ့် နောက်ပိုင်းမှာတော့ သင်နဲ့ သင့်သူငယ်ချင်းတွေအကြား ရီစရာတွေဖြစ်သွားပါလိမ့်မယ်။

၃။ ဇီဇာကြောင်လွန်းခြင်း

ဟိုဟာဖြစ်လို့ ဒီဟာဖြစ်လို့နဲ့ ဇီဇာကြောင်ပြီး ရွေးချယ်မှုတွေ များလွန်းနေလို့ကတော့ သင်တစ်ယောက်တည်း အထီးကျန်နေရတာ မဆန်းပါဘူး။

၎။ တစ်ဦးတည်းသော အချစ်စစ်ဆိုတာကို မျှော်လင့်နေခြင်း

ကမ္ဘာမှာ သင်နဲ့နဖူးစာပါမယ့် တစ်ဦးတည်းသောသူဆိုတာ ရှိနေလိမ့်မယ်လို့ သင်ယုံကြည်ထားပါသလား။ ဒါဟာ ထီထိုးတာထက် အကြောင်းဆိုးတဲ့ ပေါတောတော စိတ်ကူးတစ်ခုပါ။ သင်မျှော်လင့်နေတဲ့ တစ်ဦးတည်းသော ဖူးစာရှင်ဆိုတာက သင့်နဲ့တစ်ခန်းတည်းအတူတက်ခဲ့ဖူးတဲ့ ကျောင်းနေဖက်သူငယ်ချင်းလည်း ဖြစ်နေနိုင်ပါတယ်။ ဒါ့ကြောင့် မရေရာတာကို မျှော်လင့်မနေပါနဲ့။

အခြား ( Cyber Dating အွန်လိုင်းချစ်သူ
http://mmgentleman.com/2015/08/03/i/ )
၅။ စားပွဲထိုးတွေအပေါ် ရိုင်းပျခြင်း

သင်စိတ်ဝင်စားနေတဲ့ ကောင်မလေးရှေ့မှာ စားပွဲထိုးတွေလို ၀န်ဆောင်မှုပေးတဲ့ဝန်ထမ်းတွေအပေါ်ကို ရိုင်းရိုင်းပျပျဆက်ဆံတာဟာ သူမကို သင်နဲ့အဝေးကို မောင်းထုတ်လိုက်သလိုပါပဲ။ ဒီလိုကိစ္စလေးတွေ အပေါ်မှာတောင် သည်းမခံနိုင်တဲ့အချက်ကို မိန်းကလေးတွေက မကြိုက်ကြပါဘူး။ တကယ်လို့ သင့်လိုပဲ စားပွဲထိုးတွေအပေါ်ကို ဆက်ဆံတတ်တဲ့သူမျိုးဆိုရင်တော့ အကြောင်းမဟုတ်ပါဘူး။

၆။ လူမှုကွန်ယက်တွေ သုံးလွန်းခြင်း

လူအများစုက Facebook လိုမျိုးလူမှုကွန်ယက်စာမျက်နှာတွေထက်မှာ သူတို့ဘ၀မှာ တကယ်ရှိတာတွေထက် ပိုပြီး ကောင်းမွန်ပြည့်စုံတဲ့ပုံစံဖန်တီးတတ်ကြပါတယ်။ ဒါပေမယ့် ဓာတ်ပုံတွေတင်ပြီး လူတွေက Like ပေးတာကိုပဲ သဘောကျအချိန်ကုန်နေလို့မဖြစ်ပါဘူး။ ဒါ့အပြင် သင့်ရဲ့ပြဿနာတွေကို ဖွင့်ဟတိုင်ပင်ဖို့ တကယ့်သူငယ်ချင်းတစ်ယောက်မရှာပဲ လူမှုကွန်ယက်မှာ တင်နေလို့လည်း အဆင်ပြေမှာမဟုတ်ပါဘူး။

၇။ အထီးကျန်နေတယ်လို့ အထင်မခံရအောင် လိမ်မိနေခြင်း

ပစ္စည်းတွေ စားသောက်စရာတွေ လာပို့တဲ့သူကို တံခါးဖွင့်မပေးခင် တစ်ယောက်တည်းနေတဲ့ သင့်အခန်းထဲမှာ အခြားတစ်ယောက်ရှိနေသလို တစ်ခုခုပြောဖူးပါသလား။ ဒါဆိုရင်တော့ သေချာပါတယ်။ သင့်အတွေးထဲမှာ တစ်ယောက်တည်းဖြစ်နေတယ်လို့ ပစ္စည်းပို့သူကို မထင်စေချင်တာပါ။ ဒီလို အထီးကျန်နေတာကို ၀န်မခံပဲ လိမ်ညာနေတာကလည်း တကယ်အထီးကျန်နေရမယ့် အကြောင်းရင်းတစ်ခုပါပဲ။

အခြား (ရည်းစားကထားသွားအောင်လုပ်နည်း
http://mmgentleman.com/2015/10/20/1-36/ )
၈။ မလိုက်ဖက်တဲ့ အိမ်မွေးတိရစ္ဆာန်တွေ မွေးထားခြင်း

သင်နှစ်သက်သဘောကျတဲ့ အိမ်မွေးတိရစ္ဆာန်တစ်ကောင်ကောင်ကို မွေးလို့ရပါတယ်။ ခွေးဖြစ်ဖြစ် ကြောင်ဖြစ်ဖြစ်ပေါ့။ ဒီလိုမဟုတ်ပဲ သားရဲနဲ့သားကောင်လို လိုက်ဖက်မညီတဲ့သတ္တ၀ါတွေ မွေးထားတာမျိုးကတော့ အဆင်ပြေမှာ မဟုတ်ပါဘူး။ ဥပမာ – ခွေးနဲ့ကြောင်၊ ကြောင်နဲ့ငှက် စသဖြင့် အမြဲတမ်း ရန်ဘက်အမျိုးအစားတွေကို အတူတူမွေးတာမျိုးဖြစ်ပါတယ်။

၉။ စုဆောင်းလွန်းသူဖြစ်ခြင်း

စုတတ်ဆောင်းတတ်ပြီး ချစ်တီးကျလွန်းသူတွေဟာ အမြဲတမ်း အပျိုကြီး၊ လူပျိုကြီးတွေ ဖြစ်တတ်တာကို သင်လည်း သတိထားမိမှာပါ။

၁၀။ တစ်ဦးတည်းအထီးကျန်စွာ ဘ၀ဆုံးမှာကို အမြဲစိုးရိမ်နေတတ်ခြင်း

ဒီကိစ္စကို သင်အမှန်တကယ်စိုးရိမ်နေတယ်ဆိုရင်တော့ ပြောင်းလဲပစ်လိုက်ဖို့ နည်းလမ်းတွေရှိပါတယ်။ ပထမဆုံး မိမိကိုယ်ကို ထင်မြင်ယူဆချက်တွေ တိုးတက်ကောင်းမွန်လာအောင် ကြိုးစားပါ။ ပြီးရင် အတွဲရနိုင်ဖို့ ကြိုးစားကြည့်ပါ။ စိတ်ဓာတ်မကျပါနဲ့။ အခြေအနေတွေက သင်ထားသလောက် ဆိုးမှာမဟုတ်ပါဘူး။

Credit-gentleman