ကိုယ်အလေးချိန်ကျချင်သူများ သောက်သင့်တဲ့ အကောင်းဆုံး အရည် (၆)မျိုး

အဆီပိုတွေနဲ့ ဝနေတဲ့သူတိုင်းကတော့ ကိုယ်အလေးချိန်ကျချင်ကြတာချည်းပါပဲ ။ ကိုယ်အလေးချိန် ကျဖို့အတွက် လေ့ကျင့်ခန်းလုပ်ခြင်း နှင့် အစားအသောက်ဆင်ခြင်တာတွေကို လုပ်ကြရပါတယ် ။ အစားအသောက် ဆင်ခြင်တယ်ဆိုတဲ့ နေရာမှာ အဆီများတဲ့ အစားအစာတွေကို မစားသုံးခြင်းက အကောင်းဆုံးပါပဲ။ အချို့က ဝမှာစိုးတာနဲ့ အစားတော်တော်များများကို ရှောင်ကာ လိုအပ်သော အာဟာရဓါတ်တွေပါ လျော့နည်းလာပြီး ရောဂါတွေ ဝင်လွယ်တတ်ပါတယ် ။ ဒါ့ကြောင့် တစ်ဖက်တစ်လမ်းကနေ အာဟာရဖြည့်တင်းပေးနိုင်ဖို့ အောက်ဖေ်ာပြပါ အရည် ၆ မျိုးကိုလည်း သောက်သုံးပေးသင့်ပါတယ် ။ အာဟာရလည်းဖြစ်ပြီး ကိုယ်အလေးချိန် မတက်စေတာကြောင့် ဝိတ်ကျချင်သူတွေအတွက် အကောင်းဆုံးပါပဲ။

၁။ရေ
ရေကတော့ မပါမဖြစ်ပေါ့ ။ လေ့ကျင့်ခန်းလုပ်ရင်း ကုန်ဆုံးသွားသောရေဓါတ်ဖြည့်တင်းပေးဖို့အတွက် အခြားသော ဖျော်ရည်တွေထက် ရေသောက်ပေးတာက အကောင်းဆုံးပါပဲ။ အချို့က လေ့ကျင့်ခန်းမလုပ်ခင် ရေထဲကို သံပုယိုထည့်ကာ သောက်သုံးပေးခြင်းက အဆီတွေကို ပိုလောင်ကျွမ်းစေတယ်လို့ ဆိုပါတယ်။

၂။ဟင်းသီးဟင်းရွက်စွပ်ပြုတ်
မိမိနှစ်သက်သော အသီးအရွက်တွေကို စွပ်ပြုတ်လုပ်ကာ ညစာမစားခင်မှာ စားသုံးပေးမယ်ဆိုရင် အာဟာရလည်း ဖြစ်ပြီး ခန္ဓာကိုယ်တွင်း ကယ်လိုရီတွေကိုလည်း နည်းလာစေမှာပါ ။

၃။Green Tea
Green Tea က ဝိတ်ကျလိုသူတွေအတွက်သာမက နှလုံး ၊ အသည်း ၊ ကျောက်ကပ် စသဖြင့် အတွင်းကလီစာတွေအတွက်လည်း ကောင်းမွန်ပါတယ် ။ ရောဂါဖြစ်စေမှုတွေကိုလည်း တိုက်ထုတ်ပေးနိုင်ပြီး ကျန်းမာရေးကောင်းမွန်စေတာကြောင့် နေ့စဉ် Green Tea တစ်ခွက် ၊ နှစ်ခွက်ခန့်တော့ သောက်ပေးသင့်ပါတယ် ။

၎။ အသီးအရွက် ဖျော်ရည်
အသီးအရွက်ကို စွပ်ပြုတ်လုပ်သောက်ရမှာ မကြိုက်တဲ့သူတွေအတွက်ကတော့ ကိုယ်ကြိုက်တဲ့ အသီးအရွက်တွေကို blender ထဲထည့်ကာ အအေးလိုလည်း ဖျော်သောက်ပေးနိုင်ပါတယ် ။ အသီးအရွက်ဆိုရာတွင် ကျန်းမာရေးအတွက်လည်း ကောင်းမွန်ပြီး လတ်ဆတ်တဲ့ အသီးအရွက်တွေကိုသာ ရွေးချယ်သင့်ပါတယ်။

၅။Black Coffee
ကော်ဖီကြိုက်သူများအနေနဲ့ အခြားကော်ဖီတွေထက် black coffee ကို ရွေးချယ် သောက်သင့်ပါတယ် ။black coffee မှာပါဝင်တဲ့ Caffeine ဓါတ်က အဆီတွေကို မြန်မြန်လောင်ကျွမ်းစေပြီး အားအင်တိုးကာ လန်းဆန်းတက်ကြွစေပါတယ် ။ သို့သော် အစာမရှိချိန်မှာမသောက်သင့်သလို တစ်နေ့ကို နှစ်ကြိမ်ထက်ပိုပြီးလည်း မသောက်သင့်ပါဘူး။

၆။အဆီထုတ်ထားသောနွားနို့
အဆီထုတ်ထားသော နို့မှာ ပရိုတိန်းဓါတ်များစွာ ပါဝင်တဲ့အပြင် ဗီတာမင်ဒီ နှင့် ကယ်လ်စီယမ်ဓါတ် ကြွယ်ဝတာကြောင့် အရိုးကျန်းမာရေးအတွက် ကောင်းမွန်စေပါတယ်။ အဆီထုတ်ထားတာကြောင့် ဝိတ်တက်မှာလည်း စိတ်ပူစရာမလိုပါဘူး ။

CHAN (ရွှေအင်းလေး)