ခြေသည်းဝါခြင်း၊ ညိုမည်းခြင်းတို့အတွက် အကောင်းဆုံးနည်းလမ်း

ဘွတ်ဖိနပ်၊ ရှူးဖိနပ်ကို ကြာရှည်စွာ စီးရတဲ့ သူတွေ တော်တော်များများ ခြေသည်း အညိုမည်းစွဲကြပါတယ်။ အမှန်တကယ်တော့ ခြေသည်းကြားမှာ ကပ်ညှိနေတဲ့ ဘတ်တီးရီးယား ပိုးမွှားတွေက တစ်ဆင့် ဖြစ်ပေါ်လာတာကြောင့် မပေါ့ဆသင့်ပါဘူးနော်။ ခြေသည်း ပုပ်ရခြင်းရဲ့ နောက်ဆက်တွဲ ဆိုးကျိုးအနေနဲ့ ကတော့ ခြေသည်း အရောင်ညိုမည်းလာခြင်း၊ အနံ့ဆိုးများ ထွက်လာခြင်းနဲ့ ခြေသည်းများ အလွယ်တကူ ကျိုးပဲ့ လွယ်ပြီး နောက်ဆုံးအလှပျက်သွားစေနိုင်ပါတယ်။ ဒါ့ကြောင့် ဘေးထွက်ဆိုးကျိုး မရှိပဲ ခြေသည်း ပုပ်တာကို ကုသနိုင်မယ့် သဘာဝနည်းလမ်းကောင်းလေးကို ဖော်ပြပေးလိုက်ပါတယ်နော်။

လိုအပ်တဲ့ပစ္စည်းတွေကတော့

===============

ခံတွင်းသန့်စင်ရည်

ပန်းသီးရှာလကာရည်

လက်ဖက်စိမ်းရွက်အဆီ

သံလွင်ဆီ

သွားတိုက်တံ

သန့်စင်သော မျက်နှာသုတ်ပုဝါ

ပထမဦးဆုံး အနေနဲ့ ဇလုံကြီး တစ်ခုထဲသို့ ခံတွင်းသန့်စင်ရည် ၃ ခွက်၊ ပန်းသီးရှာလကာရည် ၃ ခွက်တို့ကို ရောစပ်ထည့်လိုက်ပါ။ ရောစပ်ထားတဲ့ အရည်ထဲသို့ မိနစ် ၃၀ခန့်ခြေထောက်စိမ်ပေးပါ။ ပြီးနောက် ခြေထောက်များ ခြောက်သွေ့သွားအောင် သန့်စင်တဲ့ ပုဝါလေးနဲ့ သုတ်ပေးပါ။ ခြေထောက်တွေ သန့်စင်ပြီးသွားပြီဆိုရင်တော့ ခြေသည်းအတွက် အားဖြည့်ပေးမယ့် အဆင့်ရောက်ပါပြီ။ အဖုံးပါဝင်ပြီး အစက်ချလို့ ရတဲ့ ပုလင်းဘူး သေးသေးလေးထဲသို့ လက်ဖက်စိမ်းရွက်အဆီနှင့် သံလွင်ဆီတို့ကို ဆတူရောစပ်ပြီး နှံ့သွားအောင် မွှေလိုက်ပါ။ ရရှိလာတဲ့ အရောအနှောကို ပုပ်ပြီး ညိုမည်းစွဲနေတဲ့ ခြေသည်းအကြား တစ်စက်ချင်းချပြီး ၁၅ မိနစ်ခန့် ထားထားလိုက်ပါအုံး။ ပြီးရင်တော့ ခြေသည်းကြားထဲ အဆီများ စိမ့်ဝင်သွားအောင် သွားတိုက်တံကို အသုံးပြုပြီး Scrub သဘောမျိုး ခြေသည်းများကို ပွတ်တိုက်ပေးရမှာပဲ ဖြစ်ပါတယ်။

ဒီနည်းလမ်လေးအတိုင်း နေ့စဉ်ပုံမှန်ပြုလုပ်ပေးမယ် ဆိုရင်တော့ ခြေသည်းပုပ်ခြင်း၊ ခြေဆီအနံ့ဆိုးထွက်ခြင်း၊ ခြေသည်းအရောင်ညစ်မည်း ခြင်းတို့ကို သက်သာစေနိုင်တာကို တွေ့ရမှာပါနော်။

စံပယ်(ရွှေအင်းလေး)