၀၀ဖိုင့်ဖိုင့်အမျိုးသားတွေကို ရည်းစားတော်ရခြင်းကောင်းကျိုးများ

ရှေ့အခေါက်တွေတုန်းက နဖူးပြောင်းတဲ့ အမျိုးသားတွေအကြောင်း၊ မုတ်ဆိတ်မွှေးထားတဲ့ အမျိုးသားတွေ အကြောင်း ရေးသားခဲ့ပေမယ့် ဒီတစ်ခေါက်တော့ ၀၀ဖိုင့်ဖိုင့်ကောင်လေးတွေကို ရည်းစားတော်တဲ့အခါ သင့်အတွက် ဘယ်လိုကောင်းကျိုးတွေ ခံစားနိုင်တယ်ဆိုတာ ပြောပြပေးချင်ပါတယ်။



၁။ ၀တဲ့အမျိုးသားဆိုတာ တကယ်တော့ ပျော်ပျော်ရွှင်ရွှင်နဲ့ သက်တောင့်သက်သာ နေတတ်ကြသူတွေပါ။

ပျင်းရိလွယ်ပြီး၊ စိတ်ဓာတ်ကျတတ်သူတွေဟာ ပိန်တယ်ဆိုတာ သင်ကြားဖူးပါလိမ့်မယ်။ ဒီတော့ ၀တဲ့သူတွေဟာ ဘ၀ကို ပျော်ပျော်ရွှင်ရွှင် ဖြတ်သန်းတတ်ကြပြီး သက်တောင့်သက်သာရှိအောင် နေထိုင်တတ်ကြသူတွေပါ။ သူတို့တွေဟာ အပူအပင်ကင်းကြပါတယ်။ လေ့လာမှုတွေအရ အိမ်ထောင်ရေးမှာပျော်ရွှင်ကြရတဲ့သူတွေဟာ မင်္ဂလာဆောင်ပြီး သိပ်မကြာခင်မှာ ၀ိတ်တွေတက်လာတတ်ကြပါတယ်တဲ့။ ဒီတော့ မင်္ဂလာမဆောင်ခင်ကတည်းက သင့်ချစ်သူဟာ ၀၀ဖိုင့်ဖိုင့်ဆိုရင်တော့ သင်ဟာ မင်္ဂလာဆောင်ပြီးတော့လည်း ပျော်ရွှင်ရမယ်ဆိုတာ သေချာပါတယ်။



၂။ သင် ၀ိတ်တက်တဲ့ကိစ္စနဲ့ပတ်သက်ပြီး သူက နားလည်မှုပေးနိုင်ပါတယ်။

တကယ်လို့များ သင်ဟာ ပိန်တဲ့အမျိုးသားတစ်ယောက် ဒါမှမဟုတ် ခန္ဓာကိုယ်ကြွက်သားတောင့်တောင့်တင်းတင်း ဘဲတစ်ပွေနဲ့များ အီစီကလီဖြစ်နေပြီဆိုရင် တစ်ချက်သတိထားရမှာက သူတို့ဟာ သင့်ဝိတ်တက်လာတဲ့အခါ လျှော့ဖို့ တိုက်တွန်းကြပါလိမ့်မယ်။ သူကိုယ်တိုင် ၀၀ဖိုင့်ဖိုင့် ဖြစ်နေပြီးသား အမျိုးသားကတော့ သင်ဝိတ်တက်လာတာလေးလောက် အမှုထားမှာ မဟုတ်သလို သင့်ကို ၀ိတ်လျှော့ဖို့လည်း အပြင်းအထန် တွန်းအားပေးမှာ မဟုတ်ပါဘူး။



၃။ သူတို့ဟာ အကောင်းဆုံးပွေ့ဖက်နိုင်ကြသူတွေပါ။

six-packs ရှိတဲ့ယောင်္ကျားတွေ၊ ခြေတံလက်တံရှည်တဲ့ အမျိုးသားတွေကသာ သင့်ကို နွေးထွေးစွာပွေ့ဖက်ထားနိုင်တာ မဟုတ်ပါဘူး။ ခန္ဓာကိုယ်ပြည့်ပြည့်တင်းတင်းနဲ့ ခပ်၀၀ အမျိုးသားတွေကလည်း သင့်အတွက် အကောင်းဆုံးကူရှင်ပဲ မဟုတ်ပါလား။



၎။ သူတို့ဟာ သင်ထင်ထားတာထက်ကို ပိုကျန်းမာကြပါတယ်။

ခန္ဓာကိုယ်ပြည့်ပြီး ၀တဲ့သူတွေကို ကြည့်လိုက်ရင် ကျန်းမာရေးတစ်ခုခုများ ချို့ယွင်းနေသလားလို့ သင်ထင်ပါလိမ့်မယ်။ တကယ်တော့ သာမာန်ထက် ၀ိတ်ပိုများတဲ့လူတွေဟာ သာမာန်ကိုယ်အလေးချိန်ရှိတဲ့လူတွေထက် အသက်ပိုရှည်ကြတယ်လို့ အမေရိကုန်ဆေးဘက်ဆိုင်ရာအသင်းအဖွဲ့တွေက ဆိုထားပါတယ်။



၅။ သူတို့ဟာ အချစ်ကြီးကြသူတွေပါ။

တကယ်တော့ ဘ၀မှာအရေးကြီးတဲ့အချက်က ကိုယ့်ကိုသစ္စာရှိရှိချစ်တဲ့သူကို ပိုင်ဆိုင်ဖို့ မဟုတ်ပါလား။ သူ့ခန္ဓာကိုယ်ဆိုဒ် ဘယ်လောက်ရှိတယ်ဆိုတာ ထိုင်ပြောနေဖို့မှ မဟုတ်တာ။ နောက်တစ်ချက်က ၀၀ဖိုင့်ဖိုင့်ဘဲကြီးတွေက တကယ့်ကို အချစ်ကြီးသူတွေဖြစ်တာကြောင့် သင့်ကိုတစ်သက်လုံး မခွဲမခွာ ဂရုစိုက်ချစ်ခင်ကြင်နာပေးမယ့်သူတွေဆိုတာ သံသယရှိစရာ မလိုဘူးနော်။



Ref:yourtango